गुडघेदुखी

गुडघेदुखी

पर्यायी नांवं
वेदना – गुडघा

कारणे
शारीरिक कार्यांदरम्यान किंवा अनावश्यक ताणल्यामुळं, अतिवापर केल्यानं सामान्यतः गुडघेदुखी उत्पन्न होते. अतिलठ्ठपणामुळं गुडघ्याची समस्या वाढण्याचा धोका अधिक असतो. गुडघेदुखी पुढील कारणांनी देखील होतेः

* संधिशोथ
* गुडघ्यावर वारंवार दाब पडल्यामुळं होणारा दाह (जसे बराचवेळ गुडघ्यावर वाकणे, अतिवापर, किंवा जखम).
* जिन्यावरुन वर-खाली जाण्यामुळं गुडघ्यातील वेदना आणखी तीव्र होत जाणे
* फाटलेली कूर्चा किंवा संधिबंध
* ताण किंवा खेचले जाणे
* गुडघ्याची वाटी सरकणे
* संधिमधे दाह होणे
* गुडघ्याला जखम होणे
* कटीतील समस्या – गुडघ्यात जाणवणारी वेदना इथे होऊ शकते.

गुडघेदुखीला कारणीभूत ठरणा-या कमी सामान्य स्थितीमधे हाडात गाठ होण्याचा समावेश आहे.

घरगुती उपचार

गुडघेदुखीची अनेक कारणं, विशेषतः अतिवापर किंवा अति शारीरिक कार्य यांच्याशी संबंधित कारणांवर स्वतःहून केलेल्या निगेला चांगला प्रतिसाद मिळतोः

* विश्रांती घेणे आणि वेदना तीव्र करणारी कामं टाळणे, विशेषतः वजन पेलावी लागणारी कामं.
* बर्फाचा वापर करणे. प्रथम, तो दर तासाला 15 मिनिटापर्यंत लावावा. पहिल्या दिवसानंतर, दिवसातून किमान चारवेळा बर्फ लावावा.
* आपला गुडघा शक्य तितका उंचावर ठेवा म्हणजे सूज कमी करता येईल.
* वेदना आणि सूज यांच्यासाठी औषध घ्या.
* गुडघ्यांच्या खाली किंवा मधे उशी ठेवून झोपावे.